မဇ္ဈိမမှ ကူးယူဖော်ပြသည်။
ရွှေလီ။ ။ ပြည်လုံးကျွတ် လူထုဆန္ဒ ခံယူပွဲတွင် ရှမ်းပြည် (မြောက်ပိုင်း) နမ့်ခမ်းမြို့နယ်တွင် ကန့်ကွက်မဲက အများစု အနိုင်ရပြီး၊ မူဆယ်မြို့နယ်တွင် ကန့်ကွက်၊ ထောက်ခံ မည်သည့်ဘက်က အနိုင်ရမည်ကို မသဲကွဲသေးသလို၊ ရှမ်းမြောက် အထူးဒေသ (၁) ကိုးကန့် ငြိမ်းချမ်းရေးအဖွဲ့ အခြေစိုက်ရာ ချင်းရွှေဟော် အပါအဝင် လောက်ကိုင် ခရိုင်တွင် ထောက်ခံမဲ ၉ဝ ရာခိုင်နှုန်း ရရှိခဲ့သည်။
ကချင်ပြည်နယ် ဗန်းမော်မြို့နယ်၊ ကချင်လွတ်မြောက်ရေး တပ်မတော် (ကေအိုင်အေ) ထိန်းချုပ်ရာ ကချင် အထူးဒေသ (၂) လိုင်ဇာနှင့် စစ်ကိုင်းတိုင်း ကသာမြို့တွင်လည်း ထောက်ခံမဲ ရလဒ်က အသာစီးရခဲ့သည်။
ယခု အခြေအနေများနှင့် ပတ်သက်၍ အသေးစိတ် အချက်အလက်များကို ဒေသခံများ၏ ပြောဆိုချက်အတိုင်း တင်ပြလိုက်ပါသည်။
“နမ့်ခမ်းမြို့နယ်၊ ရှမ်းပြည် (မြောက်ပိုင်း)”
ကျေးရွာအုပ်စုများ
မဲစာရင်းများ လိုက်လံပြုစုသူ ရှမ်းအမျိုးသမီးတဦး ပြောဆိုချက် ...
မန့်ဟုန်း - ထောက်ခံမဲ ၉၈ ၊ ကန့်ကွက်မဲ ၁၁၄၅ ၊ ပယ်မဲ ၁၃၁
ကွန်လုံ - ထောက်ခံမဲ ၂ဝ၈ ၊ ကန့်ကွက်မဲ ၁၂၈၂ ၊ ပယ်မဲ ၄၃
နမ္မတီး - ထောက်ခံမဲ ၃၄ ၊ ကန့်ကွက်မဲ ၉၈၅ ၊ ပယ်မဲ ၂၇
ဟိုပွန် - ထောက်ခံမဲ ၁၃၂ ၊ ကန့်ကွက်မဲ ၈၈၁ ၊ ပယ်မဲ ၈၂
မန်ခံ - ထောက်ခံမဲ ၃၇၃ ၊ ကန့်ကွက်မဲ ၉၄၈ ၊ ပယ်မဲ ၇၃
မြို့ပေါ်ရပ်ကွက်များ
နောင်စန့်နှင့် ဟိုကတ်သူက ရပ်ကွက် ၂ ခုပေါင်း - ထောက်ခံမဲ ၉၉၇ ၊ ကန့်ကွက်မဲ ၁၅၅ဝ ၊ ပယ်မဲ ၇ဝ
ပေါက်တိုက်နှင့် အောင်မေတ္တာ ရပ်ကွက် ၂ ခုပေါင်း - ထောက်ခံမဲ ၈၁၈ ၊ ကန့်ကွက်မဲ ၁၄၈၅
(နမ့်ခမ်းမြို့ပေါ်တွင် ကန့်ကွက်မဲက အများစု အနိုင်ရရှိခဲ့သည်။)
“မူဆယ်မြို့နယ်၊ ရှမ်းပြည် (မြောက်ပိုင်း)”
ကျေးရွာအုပ်စုများ
ဇယ်လန့် - ထောက်ခံမဲ ၄၁၉ ၊ ကန့်ကွက်မဲ ၁ဝ၉၇ ၊ ပယ်မဲ ၁၁၄
နောင်လောင်း - ထောက်ခံမဲ ၂၆၄ ၊ ကန့်ကွက်မဲ ၉၂၅ ၊ ပယ်မဲ ၁၆ဝ
မန်ကန် - ထောက်ခံမဲ ၁ဝ၁ဝ ၊ ကန့်ကွက်မဲ ၄ဝ ၊ ပယ်မဲ ၄
ဖိုင်ကျောင်း - ထောက်ခံမဲ ၁၇၁ ၊ ကန့်ကွက်မဲ ၂၅၂ ၊ ပယ်မဲ ၁၇
မြို့ပေါ်ရပ်ကွက်များ
ကောင်းနောင်နှင့် ဈေးရပ်ကွက်တို့တွင် ထောက်ခံမဲက ပိုများသည်။
“ချင်းရွှေဟောင်မြို့နယ်၊ ရှမ်းပြည်မြောက်ပိုင်း”
ကိုးကန့်ငြိမ်းချမ်းရေးအဖွဲ့နှင့် နီးစပ်သူတဦး ...
ထောက်ခံမဲ ၁၄၆၇၊ ကန့်ကွက်မဲ မရှိ၊ ပယ်မဲ ၁၈ ရရှိသည်ဟု ဆိုသည်။
“ဗန်းမော်မြို့နယ်၊ ကချင်ပြည်နယ်”
ကျေးလက်နှင့် မြို့ပေါ်ရပ်ကွက် အားလုံးနီးပါးတွင် ထောက်ခံမဲရလဒ်က ပိုမိုများပြားကြောင်း ဒေသခံများက ပြောသည်။
အိမ်ရှင်မတဦး ...
“အကုန်ရှုံးတယ်။ အန်တီ သိရသလောက် စင့်ကင်ဆိုတဲ့ ရွာကြီးတရွာမှာပဲ နိုင်တယ်။ ဗန်းမော်မှာ ရပ်ကွက်ကြီး ၁၆ ရပ်ကွက် ရှိတယ်။ အကုန်လုံး ရှုံးသွားတယ်၊ ကန့်ကွက်မဲဘက်ကလေ။ ဘယ်လိုဖြစ်လို့လဲ ဆိုတော့ ကြိုတင်မဲ များတယ်။ ကြောက်ကြတာ များတယ်။ မသိ နားမလည်တာလည်း များတယ်။ ခွန်သာရပ်ကတော့ ကန့်ကွက်မဲ ထည့်တဲ့သူ များတယ်။ ဒါလည်း ရှုံးတာပဲ။ ဆင်ကုန်းရပ်ကဆို တရွာလုံးနီးနီး ကြိုတင်မဲ ယူထားတယ်။ မဲပေးတဲ့နေ့မှ သူကြီးကိုယ်တိုင် အမှန်ခြစ်တွေ ခြစ်ပြီး ထည့်လိုက်တယ်”
ဗန်းမော်သို့ ဈေးလာဝယ်သူ စင့်ကင်ကျေးရွာသားတဦး ...
“ကန့်ကွက်မဲက ၅ဝဝ ၊ ထောက်ခံမဲက ၄ဝဝ ၊ ပယ်မဲက ၁ဝဝ ကျော်နဲ့ နိုင်တယ်။ မယက ဥက္ကဋ္ဌက ရွာလူကြီးကို ဖုန်းဆက်ပြီး ကြိမ်းဝါးတယ်၊ ထုချေလွှာ တင်ခိုင်းတယ်။”
အခြား ဒေသခံတဦး ...
ညောင်ပင်ရပ်ကွက်တွင် ထောက်ခံ ၁၅ဝဝ ၊ ကန့်ကွက် ၅ဝဝ ၊ ပယ်မဲ ၄ဝ ၊ ခွန်သာရပ်ကွက်တွင် ထောက်ခံမဲ ၁ဝဝဝ ကျော်၊ ကန့်ကွက် ၂ဝဝ ကျော်၊ ပယ်မဲ ၃ဝဝ ၊ သာစည် ရပ်ကွက်တွင် အုပ်စု ၂ စုစလုံးတွင် ထောက်ခံမဲ ၁၇ဝဝ ကျော်၊ ကန့်ကွက်မဲ ၁၇ဝ ကျော် ရရှိသည်ဟု ဆိုသည်။
“ဝိုင်းမော်မြို့နယ်၊ ကချင်ပြည်နယ်”
ကချင်ပြည်လုံးဆိုင်ရာ ကျောင်းသားသမဂ္ဂမှ ခေါင်းဆောင်တဦး ပြောဆိုချက် ...
“ကန့်ကွက်မဲက နိုင်တာမရှိဘူး၊ ရှုံးနေတာပဲ များတယ်။ ဝိုင်းမော် မြို့နယ်ထဲမှာဆို သိသလောက် အကုန်လုံးရှုံးတယ်။ နိုင်တဲ့ စာရင်းကတော့ နောင်ချိန်းရွာ ထောက်ခံ ၁၅ဝ ၊ ကန့်ကွက် ၁၁၂ဝ ၊ ဒဘတ်ရွာမှာ ထောက်ခံ ၂၉ဝ ၊ ကန့်ကွက် ၄၅၃ ၊ ပယ်မဲ ၁၅ဝ ၊ စံပိုင် ထောက်ခံ ၄၈ ၊ ကန့်ကွက် ၁၉၅ ၊ ပယ် ၅ဝ ၊ ဂါးဒယန် ထောက်ခံ ၂၁၄ ၊ ကန့်ကွက် ၄၄ဝ ၊ ပယ် ၂၈ ၊ ဒိန်ဂါ ထောက်ခံ ၂၈ ၊ ကန့်ကွက် ၆၄ ၊ ပယ် ၁ဝ မဲ ။ ကျန်တဲ့နေရာတော့ အကုန်လုံး ထောက်ခံမဲ များတယ်”
“ဘာဖြစ်လို့ ကန့်ကွက်မဲက ရှုံးရသလဲဆိုတော့ သူတို့ လူတွေချည်းပဲ မဲရေတွက်တယ်။ စာရင်းလည်း သူတို့ဟာ သူတို့ လုပ်တယ်။ နောက် သိနေရတာက ကန့်ကွက်မဲတွေကိုလည်း ထောက်ခံမဲ လုပ်လိုက်တယ်။ မဲလာမပေးတဲ့ တုံကင် နံပါတ်တွေကိုလည်း သူတို့ဟာ သူတို့ ခြစ်ပြီး၊ ထောက်ခံမဲ ထည့်လိုက်တယ်။ အသက်မပြည့်သေးတဲ့ သူတွေကိုလည်း မှတ်ပုံတင် လုပ်ပေးပြီး၊ ထောက်ခံမဲ ထည့်ခိုင်းတယ်။ ကြောက်ကြတာရယ်၊ မဲလိမ်တာရယ်၊ အဲဒါကြောင့်ပေါ့။ ဒါကြောင့် ကျနော်တို့ ကချင်ပြည်လုံးဆိုင်ရာ ကျောင်းသားသမဂ္ဂကတော့ ဒီရလဒ်ကို လုံးဝ အသိအမှတ် မပြုဘူး”
“ကချင် အထူးဒေသ (၂) လိုင်ဇာ၊ ကချင်ပြည်နယ်”
ဒေသခံတဦး ပြောဆိုချက် ...
“ကေအိုင်အေက လုပ်ချသွားလို့ ရှုံးသွားတာ။ ဒီမှာက သူတို့ ဝန်ထမ်းတွေ များတယ်။ အဲဒါတွေကို ထောက်ခံမဲ ထည့်ခိုင်းလိုက်တော့ မဲကွာသွားတာ။ ဒါတောင် သိပ်မကွာပါဘူး။ ထောက်ခံမဲ ၆ဝဝ ကန့်ကွက်မဲက ၄ဝဝ ကျော်၊ ပယ်မဲ ၂ဝ ၊ အဲလို ဖြစ်သွားတယ်”
“ကသာမြို့နယ်၊ ကချင်ပြည်နယ်”
ရပ်ကွက် ၅ တွင် နေထိုင်သူတဦး ပြောဆိုချက် ...
“ကသာ တမြို့လုံးနီးနီးက ထောက်ခံမဲ အရေအတွက်က များတယ်အကို။ မတရားဘူးလေ။ ရပ်ကွက် ၅ မှာဆို မဲရုံမှူးကျတဲ့ ကျောင်းဆရာမ ဒေါ်ဥမ္မာခင်က အမှန်ခြစ် ခြစ်ကြလို့ လာတဲ့သူတိုင်းကို ပြောတယ်။ သူကိုယ်တိုင်လည်း နားမလည်တဲ့ သူတွေကို အမှန်ခြစ် ခြစ်ပေးတယ်။ သေသွားတဲ့ ဗိုလ်ချုပ်အောင်ဆန်းကို လွမ်းမနေကြနဲ့လို့လည်း ပြောသေးတယ်”
“ရပ်ကွက် ၆ ဥက္ကဋ္ဌ ဦးထွန်းလှ၊ ရပ်ကွက် ၄ ဥက္ကဋ္ဌ ဦးသန်းအေး၊ လုပ်ဖော်ကိုင်ဘက် ဦးထူးနဲ့ ရပ်ကွက် ၈ ဥက္ကဋ္ဌ ကိုဆန်းငွေက ကြိုတင်မဲ ကောက်တဲ့အချိန်မှာ တအိမ်တက် တအိမ်ဆင်း ကန့်ကွက်မဲထည့်ရင် ထောင်ဒဏ် ၃ နှစ်ချမယ်လို့ ခြိမ်းခြောက် ပြောဆိုခဲ့တယ်ဗျ”
No comments:
Post a Comment