နာဂစ် ဒုက္ခသည်များအတွက် ဗန်းမော်အာဏာပိုင်များ အလှူငွေ ကောက်ခံ

မဇ္ဈိမမှ ကူးယူဖော်ပြသည်။

ရွှေလီ။ ။ ကချင်ပြည်နယ် ဗန်းမော်မြို့ရှိ ဒေသအာဏာပိုင်များက နာဂစ် မုန်တိုင်းဒဏ်သင့် ဒုက္ခသည်များအတွက်ဟု ဆိုကာ ယနေ့မှ စတင်၍ ခရီးသွားများထံက အလှူငွေ များ ကောက်ခံနေသည်။

မြို့ပေါ် လူစည်ကားရာ နေရာများ ဖြစ်သည့် ဈေးနှင့် စက်လှေဆိပ်အနီးရှိ ကုန်သည်များအသင်းရှေ့တွင် ယမန်နေ့ညပိုင်းက အလှူခံမဏ္ဍပ် ၂ လုံးကို အားချင်းဆောက်လုပ် ကာ ကြံ့ဖွံ့၊ ကြက်ခြေနီ၊ မီးသတ်အဖွဲ့များက အသံချဲ့စက်နှင့် အော်၍ အလှူငွေ ကောက်နေခြင်း ဖြစ်သည်။

"ဗန်းမော် မယက ခိုင်းတာလို့ ပြောတယ်။ မနေ့က မဏ္ဍပ် ၂ လုံး ထိုးပြီး ဒီနေ့ စကောက်တယ်။ ထိုင်နေတာတော့ ကြံ့ဖွံ့၊ ကြက်ခြေနီ၊ မီးသတ်၊ ဝတ်စုံတွေနဲ့ ဖလားတလုံးချပြီး ထိုင်နေကြတယ်။ ကုန်သည်များရုံး ရှေ့မှာတော့ ဦးပါကြီးဆိုတဲ့ လူက အသံချဲ့စက်နဲ့ အော်နေတယ်။ 'ခရီးသွား ပြည်သူများခင်ဗျာ၊ လေဘေးရေဘေးအတွက် ဘယ်သူမဆို သဒ္ဓါတတ်အားသရွေ့ အလှူငွေ ထည့်ဝင်ကြပါ' လို့ အော်နေတယ်" ဟု ဗန်းမော် ဒေသခံတဦးက မဇ္ဈိမကို ပြောသည်။

အာဏာပိုင်များက ရန်ကုန်တိုင်းနှင့် ဧရာဝတီတိုင်းဘက်မှ လေဘေးနှင့် ရေဘေးဒုက္ခသည်များအတွက် တလတာကြာ လုပ်ဆောင်မည့် အလှူငွေ ကောက်နေသော်လည်း မြို့ပေါ်ရှိ ဒေသခံအများစုက အယုံအကြည် နည်းနေကြသည်။

"ဒုက္ခရောက်နေတဲ့ သူတွေဆီ ရောက်မယ်လို့ မယုံလို့လား မသိဘူး၊ လှူတဲ့သူ သိပ်မရှိဘူး။ ရွာဘက်ကလာတဲ့ တယောက်စ နှစ်ယောက်စပဲ ၂ဝဝ တန်တို့၊ ၅ဝဝ တန်တို့ ထည့်သွားတာ တွေ့တယ်။ အထုပ်အထည် လိုက်လာလှူတာတော့ မတွေ့ရသေးဘူး" ဟု သူက ဆိုသည်၊၊

လွန်ခဲ့သည့် ၄ ရက်ခန့်က တသီးပုဂ္ဂလ စေတနာရှင်များက စုပေါင်း၍ ဗန်းမော်မြို့တွင်း၌ ဒုက္ခသည်များအတွက် အဝတ်အထည်များ လိုက်လံ ကောက်ခံခဲ့သေးသည်။

ရှမ်းပြည် (မြောက်ပိုင်း) မူဆယ်တွင်မူ အရှေ့မြောက်ပိုင်းတိုင်းမှူး ဗိုလ်ချုပ်အောင်သန်းထွတ် ကိုယ်တိုင် ယခုလ ၃ ရက်နေ့က ရောက်ရှိလာပြီး မူဆယ်ကုန်သည်များ အသင်းထံမှ လေဘေး ဒုက္ခသည်များအတွက် အလှူငွေနှင့် မိုးကာ အပါအဝင် အခြား ထောက်ပံ့ရေးပစ္စည်းများ ကောက်ခံခဲ့သေးသည်။

အာဏာပိုင်များက အများပြည်သူထံမှ ကောက်ခံရရှိသည့် အလှူငွေများဖြင့် သေလုမျောပါး ခံစားနေရသည့် ဒုက္ခသည်များကို သူတို့အိတ်စိုက် ပေးလှူနေသယောင် အမြတ်ထုတ်နေခြင်းများ ရှိနေသည်ဟု မူဆယ်ကုန်သည်များက ပြောဆိုကြသည်။