လူကြမ်းသရုပ်ဆောင်များ လေဘေးကယ်ဆယ်ရေး ကူညီဆောင်ရွက်

ခေတ်ပြိုင်မှ ကူးယူဖော်ပြသည်။

ရုပ်ရှင်သရုပ်ဆောင် ဇော်မှိုင်း၊ အောင်ခိုင်နှင့် သတိုးစောတို့ ပါဝင်သည့် ကိုလူချော လူကြမ်း သရုပ်ဆောင်များအဖွဲ့မှ လူကြမ်းသရုပ်ဆောင် (၃၀) ခန့်တို့သည် လေဘေးကယ်ဆယ်ရေး လုပ်ငန်းများ၌ တနိုင်တပိုင် ပါဝင်ကူညီ ဆောက်ရွက်ပေးနေကြသည်။

သင်္ကန်းကျွန်းမြို့နယ် ကျိုက္ကစံ ဘုရားဝန်းနှင့် ဗဟန်းမြို့နယ်ရှိ မုန်တိုင်းဒဏ်ကြောင့် ပြိုလဲကျ နေသည့် သစ်ပင်၊ သစ်ကိုင်းများကို ခုတ်ထွင်ရှင်းလင်းပေးလျက်ရှိကြောင်း ရုပ်ရှင်သရုပ်ဆောင် အောင်ခိုင်က ပြောသည်။

၎င်းက “ ကိုလူချောအဖွဲ့ဆိုပြီး လူကြမ်းတွေနဲ့ ဖွဲ့ထားတဲ့ အဖွဲ့လေး ရှိပါတယ်။ လူကြမ်းသရုပ် ဆောင်တွေချည်းပဲ လိုက်ပြီးတော့ လုပ်အားဒါန လုပ်နေတာပါခင်ဗျာ။ မနက်ဖြန် အထက (၁) ဗဟန်းမှာ လုပ်အားဒါန လုပ်ပါ့မယ်။ ကျနော်တို့ကတော့ သူများတကာလို ငွေမလှူနိုင်တော့ လုပ်အားဒါနပေါ့။ လိုအပ်တဲ့ နေရာလေးတွေကို ဖြည့်ဆည်း လုပ်အားပေးပါတယ် ခင်ဗျာ။ လိုအပ်တာတော့ ရန်ကုန်တမြိ်ု့လုံးမှာ ခုထက်ထိ ရှုပ်ယှက်ခတ်နေတာပေါ့” ဟု ပြောသည်။

လူကြမ်းသရုပ်ဆောင်များသည် ပြီးခဲ့သည့်စနေနေ့က လပွတ္တာ၊ ဘိုကလေး၊ မော်လမြိုင်ကျွန်းမြို့ တို့သို့ ပို့ဆောင်ပေးမည့် ကယ်ဆယ်ရေးပစ္စည်းများကို လမ်းမတော်မြို့နယ် ဘုန်းကြီးလမ်း ဆိပ်ခံတံတားမှ သင်္ဘောပေါ်သို့ လုပ်အားဒါနအဖြစ် သယ်ပို့ပေးခဲ့ကြကြောင်း လူကြမ်းသရုပ်
ဆောင် သတိုးစောက ပြောသည်။

နာမည်ကြီး ရုပ်ရှင်သရုပ်ဆောင်များဖြစ်ကြသည့် ကျော်ဟိန်း၊ ဇာဂနာ၊ ကျော်သူ၊ လူမင်း၊ လွင်မိုး၊
ဝေဋ္ဌုကျော်၊ နေတိုး၊ မေသန်းနု၊ အိန္ဒြာကျော်ဇင် စသူတို့ကလည်း လေဘေးဒုက္ခသည်များထံ သွားရောက်၍ ဆန်နှင့်အစား အစာပစ္စည်းများ ဝေမျှလှူဒါန်းနေကြကြောင်း သိရသည်။

အလားတူ ထိုင်း-မြန်မာနယ်စပ် မဲဆောက်မြို့၌လည်း သီးလေးသီး အငြိမ့်အဖွဲ့သားများက မုန်တိုင်း ကယ်ဆယ်ရေးရန်ပုံငွေများ လိုက်လံကောက်ခံလျက်ရှိသည်။

ဘန်ကောက်မြို့၌လည်း ထိုင်း တီဗီ ချန်နယ် (၃) အဆောက်အဦ၌ နာမည်ကျော် ထိုင်းသရုပ် ဆောင်များက ထိုင်းပြည်သူများထံမှ ငွေကြေးနှင့် ထောက်ပံ့ရေးပစ္စည်းများ အလှည့်ကျ ကောက်ခံပေးလျက်ရှိပြီး ယမန်နေ့အထိ ဘတ်ငွေသိန်း (၂၀) နှင့် အကူအညီပေးရေးပစ္စည်း အမြောက်အမြား ရရှိနေပြီဖြစ်ကြောင်း သိရသည်။