ဒုက္ခသည်စခန်းတွင် ဆန်ဈေးတက်၊ ရိက္ခာမလုံလောက်သူများအခက်တွေ့

သတင်းနှင့်မီဒီယာကွန်ယက်မှ ကူးယူဖော်ပြသည်။

ထိုင်း- မြန်မာနယ်စပ်ရှိ မယ်လဒုက္ခသည်စခန်းတွင် ပြင်ပ ပွဲစားများ လာရောက်ဝယ်ယူမှုကြောင့် ဆန်ဈေးနှစ်ဆ ခန့် မြင့်တက်သွား၍ ရိက္ခာမလုံလောက်သူများ အခက်အခဲကြုံနေရသည်။

စခန်းအတွင်းဆန်ဈေးမှာ (၁၅) ကီလို ရှိသည့် ဆန်တပုံးသည် (၁၅၀) ဘတ်ခန့်မှ (၃၀၀)ဘတ်အထိ ဈေးတက် သွားကြောင်း ဒုက္ခသည်တဦးက ပြောသည်။

“သူတို့တွေက အရင်တုန်းကလည်း မဲဆောက်က ဒီလိုပိုနေတဲ့ ဆန်တွေကိုလာဝယ်တာပဲ၊ပိုနေတဲ့ ဆန် ဆိုတာက အကြောင်းအရာ အမျိုးမျိုးကြောင့် အပြင်ထွက်ပြီး အလုပ်လုပ်နေတဲ့လူတွေ ဘာညာဆိုတာ မျိုးကို ၀င်ဝယ်တာပဲ၊ ၀င်ဝယ်ပေမယ့် ဒီမှာအလု အယက်ကို ၀င်ဝယ်နေကြတဲ့ အခါကျတော့ အရင်ရှိ တာထက်ကိုပိုပြီး ၀ယ်လိုအားကောင်းလာတဲ့ အခါကျတော့ အဲဒီဆန်ဈေးတက် လာတော့ ပြဿနာက ဘာဖြစ်လာလဲဆိုတော့ အရင်တုန်းကဒီ ဒုက္ခသည်ထဲမှာရှိတဲ့ ရိက္ခာမရတဲ့သူတွေက ဒါတွေနဲ့ ၀ယ်စား မယ် ဆိုရင် လုံလောက်မှုရှိတယ်လေ၊ အခုဈေးတွေက တအားတက်ပြီး အလုအယက်ဝယ်ကြတဲ့ အခါ ကျတော့ ဆန်က အပြင်ထွက်မှုနှုန်းလည်း များလာတယ်။ များလာတဲ့အခါကျတော့ ဒီမှာရိက္ခာမရတဲ့ လူတွေက အဲဒီဆန်ကိုလိုက်ဝယ်ဖို့ကို ဆန်ဈေးကြီးကြီး ပေးရတဲ့အပြင် တော်တော်ကို ကသိကအောက် နိုင်တယ်လေ။ ”

ဒုက္ခသည်စခန်းတွင်းမှ ဆန်များရောင်းချမှုသည် ယခုအခါ ပိုမိုများပြားလာနေသည်ဟု ၄င်းက ဆက်ပြောသည်။

အသစ်ထပ်မံရောက်လာ၍ ရိက္ခာမရရှိသေးသူများနှင့် ရိက္ခာမလုံလောက်သူများမှာ ဆန်ဝယ်ရာတွင် အခက်အခဲ ကြုံနေရပြီး နောက်ပိုင်းတွင် ခိုးမှု၊ ၀ှက်မှုစသည့် ရာဇ၀တ်မှုများဖြစ်လာကာ စခန်းလုံခြုံရေးကိုပါ ထိခိုက်လာနိုင် သည်ဟု ၄င်းက ထောက်ပြ သည်။

ကရင်ဒုက္ခသည်ရေးရာကော်မတီ ၀င်တဦးက ဒုက္ခသည်များအနေဖြင့် အပိုဝင်ငွေရရန် ယခုလို ရောင်းချနေသည် ကို တားမြစ်ရန် ခက်ခဲကြောင်း သုံးသပ်သည်။

“ဆန်ဈေးက တကမ္ဘာလုံးတက်နေပါတယ်၊ အဲဒီဂယက်ဟာ ဒီကိုရောက်လာတာပေါ့နော်၊ သူ့ပစ္စည်းကို သူရောင်းတယ်ဆိုတော့ ကျွန်တော်တို့ ဘာနဲ့သွားတားမလဲ၊ သူရဲ့မွေးရာပါအခွင့်အရေးကို သွားတား မယ်ဆိုရင် ကောင်းပါ့မလား။ ကျွန်တော်တို့ စဉ်းစားရမယ်နော်၊ သူ့ခမျာကလည်း ဒုက္ခသည်အနေနဲ့ ရတဲ့ဆန်လေးတ၀က် သူရောင်းပြီးတော့ သူကြက်ဥလေး၊ ဘာလေးဝယ်မယ်၊ ကလေးဖျားလို့ နို့မှုန့် လေးဘာလေးဝယ်မယ်ဆိုရင် ဒါကျွန်တော်တို့က သွားတားမယ်ဆိုရင် အလုပ်တော့ မဖြစ်ဘူးပေါ့နော်”

ကမ္ဘာအနှံအပြားတွင် ဆန်စပါးပြတ်လပ်မှုနှင့် ရင်ဆိုင်ရပြီးနောက် ထိုင်းနိုင်ငံတွင် ဆန်ဈေးနှုန်းမှာ ယခင်ထက် နှစ် ဆ နီးပါးခန့် တက်လာခဲ့သည်။