ယနေ့မွန်းလွဲပိုင်းက ထိုင်း-မြန်မာနယ်စပ် မြ၀တီအနီးရှိ သင်္ကန်းညီနောင်အရပ်တွင် မြ၀တီသို့ တက်လာသည့် မော်တော်ယာဉ်တန်းမှ ယာဉ်ငယ် (၂) စီးကြားတွင် ဆွဲမိုင်းပေါက်ကွဲသွားသဖြင့် နောက်ကားမှ ကားမှန်ကွဲသွားပြီး ယာဉ်ပေါ်လိုက်ပါလာသူအချို့ အနည်းငယ် ဒဏ်ရာရရှိသွားသည်။
ဆွဲမိုင်းပေါက်ကွဲသည့်နေရာမှာ သင်္ကန်းညီနောင်ရှိ ခမရ (၃၅၅) နှင့် ခမရ (၃၅၆) ကြားတွင် ဖြစ်ပွားခြင်းဖြစ်သည်။
တိုက်ခိုက်ခံရသည့် ကားမှာ သံတောင်အထူးဒေသ (ငြိမ်းချမ်းရေးအဖွဲ့) ပိုင် ကားဖြစ်သည်ဟု
မြ၀တီမြို့မှ ယာဉ်မောင်းတဦးက ပြောသည်။
ယခုတိုက်ခိုက်ခံရသည့် မိုင်းအမျိုးအစားမှာ ဆွဲမိုင်းအမျိုးအစားဖြစ်ကြောင်း သင်္ကန်းညီနောင်ရှိ စစ်တပ်အသိုင်းအ၀န်းတွင် နေထိုင်သူတဦးက ပြောသည်။
မြ၀တီ-ဘားအံ ယာဉ်မောင်းတဦးက "ကားရှေ့မှန်ကွဲသွားတယ်၊ နှစ်စီးကြားထဲမှာပေါက်တော့
ဆိုးဆိုးဝါးဝါး အသေအပျောက်တွေတော့ မရှိဘူး။ အဲဒီကားအနား ဘယ်သူ့ကိုမှ ပေးမသွားတော့ အသေးစိတ် မသိရသေးဘူး" ဟု ပြောသည်။
သင်္ကန်းညီနောင်သည် မြ၀တီနယ်စပ်မြို့မှ (၁၈) ကီလိုမီတာ အကွာအဝေးတွင် ရှိသည်။
ယခုပေါက်ကွဲမှု ဖြစ်ပွားခဲ့သည့် နေရာဒေသတကြောတွင် ယခင်ကလည်း တိုးတက်သော ကရင်ဗုဒ္ဓ ဘာသာအဖွဲ့ (DKBA) ၏ အဖွဲ့ပိုင်ကားများ မကြာခဏ ချုံခိုတိုက်ခိုက်ခံရသည့် နေရာဖြစ်သည်။
Tuesday, June 10, 2008
မြ၀တီ သင်္ကန်းညီနောင်တွင် ဆွဲမိုင်းပေါက်ကွဲ (NEJ)
Subscribe to:
Post Comments (Atom)
No comments:
Post a Comment