မေ ၁၀ အတွက် လုံခြုံရေး အထူးအဆင့် တပ်လှန့်ထား

ချင်းမိုင်။ ။ ဆန္ဒခံယူပွဲ ကျင်းပမည့် မေ ၁၀ ရက်ကျော်သည်အထိ နိုင်ငံတကာ အဖွဲ့အစည်းများ လှုပ်ရှားခြင်း မပြုနိုင်ရန် လုံခြုံရေး တပ်ဖွဲ့များအားလုံး အထူးအဆင့် အနေဖြင့် စောင့်ကြည့် ကြပ်မတ်သွားရမည် ဖြစ်ကြောင်း လျို့ဝှက် ဖြန့်ဝေထားသည့် အစိုးရစာတခု အရသိရသည်။

နာဂစ်မုန်တိုင်းကြောင့် ခောတ်သစ် မြန်မာ့သမိုင်းတွင် အဆိုးရွားဆုံးဖြစ်သည့် အနည်းဆုံး လူ တသောင်းကျော် သေဆုံးခဲ့ပြီး ပျက်စီးဆုံးရှုံးမှုများ ကြုံတွေ့နေရသော်လည်း စစ်အစိုးရ၏ အခြေခံဥပဒေ မူကြမ်း ဆန္ဒခံယူပွဲကို ဆိုင်းငံ့ခြင်းမပြုဘဲ မေ ၁၀ တွင်ပင် ဆက်လုပ်မည်ဟု ကြေညာထားသည်။

နိုင်ငံတကာ အကူအညီပေးရေး အဖွဲ့အစည်းများ၊ ဒီမိုကရေစီ လိုလားသူ အတိုက်အခံများက ဆန္ဒခံယူပွဲတွင် တရားမျှတမှု၊ လွတ်လပ်မှုရှိရေးနှင့် မဲလိမ်မှု ရှိ မရှိ စောင့်ကြည့်လေ့လာမှာ ဖြစ်သည့်အတွက် တားဆီးရန် ကြိုးစားနေခဲ့သည်။

ယခုအချိန်အထိ နောက်ဆုံးရ ရန်ကုန် သတင်းများတွင်တော့ စက်သုံးဆီ ထည့်လိုသည့် ယာဉ်တန်းများ ဆီဆိုင်များရှေ့တွင် ရောက်ရှိ စောင့်ဆိုင်းနေရာ အချို့ဆိုင်များတွင် ယာဉ်တန်းသည် ၃ မိုင်ခန့်ပင် ရှည်လျားနေသည်။ စက်သုံးဆီဆိုင်များက နေ့လည် ၁၂ နာရီမှသာ စတင် ရောင်းချ ပေးသွားနိုင်မည်ဟု ပြောသည်။

အောင်ဆန်းကွင်းရှေ့ ဓာတ်ဆီဆိုင်တွင် ကားများ သုံးထပ်တန်းစီနေပြီး ဆူးလေဘုရားရှေ့ အထိပင် ရောက်နေသည်။

ယမန်နေ့က စက်သုံးဆီ အရောင်းဆိုင်များက ကားတစီးလျှင် ခွဲတမ်း ၂ ရက်စာအထိသာ ရောင်းချပေးခဲ့သည်။ လျှပ်စစ်မီး ပြတ်တောက်နေမှုကြောင့် ရန်ကုန်တွင် စက်သုံးဆီသုံးစွဲမှု လေးဆ တိုးမြှင့် လာလိမ့်မည်ဟု စွမ်းအင် ၀န်ကြီးဌာန အရာထမ်းတဦးက ပြောသည်။

ဒီဇယ်ဆီ ပြင်ပပေါက်ဈေးမှာ တပီပါလျှင် ၅ သိန်းကျပ် ဖြစ်လာရာ အဝေးပြေးကားများ ပြေးဆွဲမှု ရပ်ဆိုင်းသွားဖွယ်ရာ ဖြစ်သည်။

အစိုးရပိုင် စက်ရုံ၊ ဂိုဒေါင်များတွင် စစ်သားများ စောင့်ကြပ်နေပြီး ရန်ကုန်တွင် တပ်မ (၁၁) ၊ (၂၂) နှင် (၆၆) တို့ ရောက်ရှိနေသည်။ ရေနှင့် အစားအသောက် ကြပ်တည်းလာနေရာမှ ယမန်နေ့က နေရာအချို့တွင် အုပ်စုလိုက် လုယက်မှုများ ရှိခဲ့သည်ဆိုသော သတင်းများ ပေါ်ထွက်ခဲ့သည်။

ယမန်နေ့ညမှစ၍ ဂျိုးဖြူပိုက်မှ ရေပေးဝေမှု စတင်နေပြီ ဖြစ်သည်။

နေရာအနှံ့အပြား ကိုယ်ထူကိုယ်ထပင် လက်သမားသုံး ကိရိယာငယ်များဖြင့် အပျက်အစီးများကို ကြိုးစား ဖယ်ရှားနေသည်ကို မြင်တွေ့နေရဆဲ ဖြစ်သည်။ မြန်မာ့ရုပ်မြင်က ပြကွက်များတွင်တော့ စက်ယန္တရားကြီးများဖြင့် ပြိုလဲနေသည့် သစ်ပင်များကို ဖြတ်တောက် ဖယ်ရှားနေသည့် ပြကွက်များပင် ဖြစ်နေရာ မုန်တိုင်းဒဏ်ခံ လူထုကို ဒေါသထွက်စေသည်။

ဒကာ ဒကာမများ၏ အခက်အခဲကြောင့် ရဟန်းသံဃာတော်များ ယနေ့အထိ ဆွမ်းခံမကြွကြပေ။ အမှိုက်သိမ်းစနစ် ပြန်လည် လုပ်ဆောင်ခြင်း မရှိသေးသောကြောင့် အနံ့အသက်များ စတင်ထွက်လာနေသည်။
(Source-http://www.mizzimaburmese.com/news/inside-burma/1/1018-2008-05-06-05-39-18)