ဘိုကလေး။ ။ လေးဘေးဒဏ်သင့် ဒေသတခု ဖြစ်သည့် ဧရာဝတီတိုင်း ဖျာပုံခရိုင် ဘိုကလေးမြို့နယ်သို့ အစိုးရမှ ထောက်ပံ့သော လက်တွန်းထွန်စက်များ ယနေ့ ရောက်ရှိလာသည်။
မိုးစပါးအတွက် ပျိုးစိုက်ချိန်အမှီ ထွန်ယက် စိုက်ပျိုးနိုင်ရန်အတွက် လယ်ယာနှင့် ဆည်မြောင်း ၀န်ကြီးဌာန အစီအစဉ်ဖြင့် လက်တွန်း လယ်ထွန်စက် (ဧရာ-၁) အမျိုးအစားများနှင့် စက်သုံး အပိုပစ္စည်းများကို စစ်ဘက် သယ်ယူပို့ဆောင်ရေး ကား ၁၀၀ ခန့်ဖြင့် ယနေ့ နံနက်ပိုင်းက ရောက်ရှိလာခြင်း ဖြစ်သည်။
ယခုလို လယ်ထွန်စက်များ ဘိုကလေးမြို့ပေါ်သို့ ရောက်ရှိ မလာခင်ကတည်းက မြို့နယ်အတွင်းရှိ ကျေးရွာများသို့ သက်ဆိုင်ရာမှ ကျွဲနွားများ ချပေးနေသည်ဟု ပြောဆိုခဲ့သော်လည်း ယခုထိ ရောက်ရှိလာခြင်း မရှိသေးပါ။
အထောက်အပံ့ အကူအညီများ အလျင်အမြန် ရမည်ဆိုလျှင် ပြန်လည် စိုက်ပျိုးခွင့် သာမည်ဟု ဒေသခံအချို့က ဆိုသည်။
ဘိုကလေးအပိုင် ဧရာတန်ကျေးရွာမှ ရွာသားတဦးက ''မုန်တိုင်းဒဏ်ကြောင့် စိုက်ပျိုးမြေတွေထဲ ရေငံတွေ ၀င်ပေမယ့် မိုးများတဲ့ ဒေသဖြစ်လို့ လယ်ယာတွေကို အချိန်မှီရင် ပြန်စိုက်ပျိုးနိုင်ပါတယ်'' ဟု ပြောသည်။
သူက ''လေနဲ့ရေ တပြိုင်ထဲ တိုက်ခတ်လို့ မျိုးစပါးတွေ ဆုံးရှုံးခဲ့ရတယ်။ ကျွဲတွေပါ ဆုံးရှုံးးခဲ့တယ်။ အခု ရွာမှာ ဧက ၇၀ ကျော်ကို ကျွဲ ၂ ကောင်နဲ့ အလှည့်ကျ ထွန်ယက်နေရတယ်။ လက်ရှိ အချိန်အထိတော့ မျိုးစပါးတွေ မရောက်သေးပါဘူး။ တကယ်လို့ မျိုးရရင် အလွယ်တကူ ပြန်စိုက်နိုင်ဖို့ အခုလို ထွန်နေတာပါ'' ဟု ဆက်ပြောသည်။
မြို့နယ်အတွင်းရှိ လေဘေးသင့် ကျေးရွာများမှာ အစားအသောက်အတွက် လာရောက်လှူဒါန်းသော စေတနာရှင်များကိုသာ မှီခိုနေရသေးသည်။
ပြီးခဲ့သည့်လ ၂-၃ ရက်နေ့များတွင် နာဂစ်မုန်တိုင်းသည် မြန်မာနိုင်ငံသို့ ဖြတ်သန်း တိုက်ခတ်သွားရာ ရန်ကုန်တိုင်း၊ ဧရာဝတီတိုင်းတို့တွင် ပျက်စီးဆုံးရှုံးမှုများ ဖြစ်ပေါ်ခဲ့ကာ ဆန်စပါး အဓိက ထွက်ရှိရာ ဧရာဝတီတိုင်းတွင် ဆုံးရှုံးမှု ကြီးမားခဲ့ပြီး လူအသေအပျောက် အများဆုံးနှင့် စိုက်ပျိုးမြေဧကများစွာ ထိခိုက် ဆုံးရှုံးခဲ့ရသည်။
Friday, June 6, 2008
ဘိုကလေးသို့ လက်တွန်းထွန်စက်များ ရောက်ရှိ (Mizzima)
Subscribe to:
Post Comments (Atom)
No comments:
Post a Comment