တရုတ်အိုလံပစ်ပွဲတော် တာဝန်ရှိသူများက နိုင်ငံခြား ခရီးသွားများအား ပွဲတော်အတွင်း၌ နိုင်ငံရေး အကြမ်းဖက်လှုပ်ရှားမှုများ မပြုလုပ်ရန် သတိပေး တားမြစ်လိုက်သည်။
အိုလံပစ်ပွဲတော် တရားဝင် အင်တာနက်စာမျက်နှာ၌ ပွဲတော်ကျင်းပနေစဉ်အတွင်း နိုင်ငံရေး (သို့) ဘာသာရေးဆိုင်ရာ အော်ဟစ်တောင်းဆိုလှုပ်ရှားမှုများ မပြုလုပ်ရန် လူထုကို အကြံပေးရေးသား ထားသည်။
အိုလံပစ်ပွဲတော်ကာလအတွင်း နိုင်ငံခြားခရီးသွားများ လိုက်နာရမည့် ဆောင်ရန် ရှောင်ရန်များကို အင်တာနက်စာမျက်နှာတွင် ဖော်ပြထားသော “အိုလံပစ်ပွဲတော်ကာလအတွင်း တရုတ်နိုင်ငံသို့
ဝင်ရောက်လာသူ၊ ထွက်ခွာသူ (သို့) ခေတ္တနေထိုင်သူများအတွက် တရုတ်ဥပဒေလမ်းညွှန်” ဟု အမည်တပ်ထားသည့် ဆောင်းပါးမှတဆင့် ပွဲတော်တာဝန်ရှိသူများက ညွှန်းဆိုထားသည်။
နိုင်ငံခြားခရီးသွားများအနေဖြင့် ဆန္ဒပြမှုများ ပြုလုပ်လိုပါက တရုတ်တာဝန်ရှိသူများထံမှ ခွင့်ပြုမိန့် ရယူရမည်ဖြစ်ကြောင်းလည်း အဆိုပါ ဆောင်းပါး၌ အကြံပြုထားသည်။
တရုတ်အစိုးရသည် အဆိုပါ အားကစားပွဲတော်ကာလအတွင်း မည်သည့် အတားအဆီးအနှောင့် အယှက်ကိုမဆို ကာကွယ်သွားမည်ဖြစ်ကြောင်း၊ အထူးသဖြင့် တိဘက်နှင့် ဆက်ဆံရေး၊ ဆူဒန်နှင့် ကုန်သွယ်ရေးလုပ်ငန်းများကို ထိပါးခံမည်မဟုတ်ကြောင်း သတင်းထောက်များက ပြောကြသည်။
Thursday, June 5, 2008
အိုလံပစ်ပွဲတော်လာမည့် နိုင်ငံခြားသားများကို တရုတ်အစိုးရ သတိပေး (NEJ)
Subscribe to:
Post Comments (Atom)
No comments:
Post a Comment